বিচাৰো এজাক সৃষ্টিৰ বৃষ্টি ,ধৰিত্ৰী নৰহ

বিচাৰো এজাক সৃষ্টিৰ বৃষ্টি  

মৃতকৰ হাড়ত পলসৰ নতুন স্পৰ্শ পান কৰি ,

জীৱন নদীৰ সিপাৰত উচিত পথৰ সংকেত বিচাৰি ,

পালো 

সৃষ্টিৰ বোৱতী বৰ্ণ বৈভৱ ।

সাধনাৰ বিশুদ্ধতা আৰু নিবিড় উপলদ্ধিত,

 সাৰ্থক ব্যৰ্থ জীৱন।

সৃষ্টিৰ হাবিয়াত এখোজ আগুৱাই ,

ৰচিব বিচাৰো দিশ হাৰা জীৱনৰ সেউজীয়া বাট,,, আৰু 

ভেদিব বিচাৰো 

সৃষ্টিৰ পথাৰত কৃষ্টিৰ বীজ সিঁচি স্বাৰ্থপৰ জীৱনৰ মায়াময় জাল ।

নিৰক্ষৰতাৰ প্ৰাচীৰ ভাঙি অৱসান বিচাৰো বিশাল বিনাশৰ মোটা মোটা পথ ,, আৰু বিচাৰো

 অহিংসাৰ এজাক সৃষ্টিৰ বৃষ্টি।।

-