আৱেগৰ ফাগুন,মিত্ৰদেৱ পেগু

 আৱেগৰ ফাগুন

মাঘমহীয়া কুঁৱলীৰ আৱৰণ ফালি,

জুমি চাওঁ তোমালৈ

কিজানিবা দেখাই পাওঁ মৰমৰ

কনেংজনীক।

তুমি বিহীন লগা

ধূসৰ উদং পথাৰত,

সেন্দুৰ সনা পলাশ-শিমলুৰ সুগন্ধ!

সূঘ্ৰাণ লওঁ তাৰ মাতাল গোন্ধ।

মেঘহীন আকাশত

হিমলু তুলাৰ আঁৰে আঁৰে,

ভাল লগাৰ সুৰবোৰে

অই নি:তমৰ ধ্বনি তোলে।

এইয়া নিয়ৰ নদীৰে লৃগাং অহাৰ দিন

ফাগুনৰ ৰাগিত আবেগবোৰ বৈ যোৱাৰ দিন।

লঠঙা গছৰ ডালে ডালে

ৰঙা আভূষনৰ ভাঁজে ভাঁজে

পছোৱাই ছটিয়াই দিয়ে 

তোমাৰেই ৰং.......।

✍️