AJONA NGOKKÉ DO:LU:DÉ◼Bhaigeswor Pogag,

 AJONA NGOKKÉ DO:LU:DÉ

◼Bhaigeswor Pogag,

Ajona,

 Élé unné sulli potadém ka:dagnei?

 Kampopé  pi:mug punkodé

Ka:la ka:pí:ma:nam sulli pottélé

Ngokké sí:sangko Salikipora do:ludéai.

Lekkem Gagor a:né émdungai

Supak Obonori émkangku

Lekolok mirémné do:lungé

Opan gompir tatkíma:né

Édé réngamdé silo miksi abungé

Ngasod ara:lok ngasodé.

Édé ka:nam piro pi:muk bukkodé

Jaubon néyang jarkodé

Ngokké sí:sala yame mekodéai 

So:bo Menjég lédu:lo so:mankoai

Ongo késung magongkoai

Ajon arum lédu:lo 

Antukuli poka dugmankoai.

Élé ka:nam kuyag sullio:lo dungai

Jalbari-Bhurbonda do:lu:dé

Ngokké Em.I. Iskul porikodé.

Télí télé ka:namté Gereki do:ludéai

Samordubi pigodokki ollung ko:la gíkodai,

Giridhor Kogen bulum jonsula 

Aséng agampé asin do:ying kíjonsukodéai.

Su édé ka:nam sulli potado dungai

Kandulimari,Bihidiya,Kowoimari Salikipora,

Bhurbonda-Jalbari,Moghuchuk Kolakhuwa

Gagor a:ném metpagla

Obonori a:nébí nésangpé mopakto.

Dungko dakkom ko:pagla

Go:réng gore:pé gi:pan gi:ranla, 

Ajon arum bulum silo ríksul tokumang

Aíké du:ngko matala

Aíké turko matala

Sé:ko okolo dungkang kusong 

Silo kinníktokumang.

Ainam aimangko  tallí:dakku

Sí:jon ajon bulum ka:lí:dakku

Nokké ngokké turdag yenamém

Obonori na:nébí bentapé pé:tumto.