O aa:jon Me'dirne' lu:tad ko
Tat:beg:gela:sin tat:suma:né
Aa:yang ka:man aya:dem me'gela
Aa:yang ukum mo:dung.
Lo:tta Lo:tta lo aa:bbuk guli be'dung
Mo:pi' léga:pe' ngo:luk ajone'
Soka mín:sudung.
Yo: yora:do bom:kang:kung bulu.
kabma:pe ka:pé du:yen.
Apíng kaje lén:nai mo:pi'sém dag:tum:kolo.
Séko oko:lo dun oi ya:meya
No dag:ge'to odo mi:magde'm.
Po:so ko:no okkon kin:mang ngolu
Mopi'side'm tur:bo:ne' ngo mising omé.
Lam:kum ka:lat:su:mapé moge'bola gi'ye.
Aane' aabu:ké lega:pe le:ne' iyyem bi:ye.....
Le'kor le'kor pe' kor:la gi'bom:to
Lam:ku kérang ka:ma:pé aa:ppi'ng gi'bom:to.
Aang dung aami'r sé
po:so:yen okkom.
Sukhalata Taid
Dhemaji
0 Comments